రేపు లేదు ఎల్లుండి (జులై 23న) కేంద్ర బడ్జెట్ 2024(Budget 2024)ను ప్రవేశపెట్టనున్నారు. ఈ క్రమంలో సామాన్యుల నుంచి వ్యాపారవేత్తల వరకు అనేక అంచనాలు దీనిపై పెట్టుకున్నారు. అయితే ఆరోగ్యం పరంగా ఈసారి ఆయుష్మాన్ భారత్(Ayushman Bharat) ఆరోగ్య బీమా పథకం కింద గుడ్ న్యూస్ వచ్చే అవకాశం ఉందని ఆర్థిక వర్గాలు అంటున్నాయి. ప్రెసిడెంట్ ద్రౌపది ముర్ము జూన్ 27న పార్లమెంటు సంయుక్త సమావేశంలో తన ప్రసంగంలో మాట్లాడుతూ ఇప్పుడు 70 ఏళ్లు పైబడిన వృద్ధులందరూ ఆయుష్మాన్ భారత్ పథకం కిందకు వస్తారని తెలిపారు. అయితే ఆయుష్మాన్ భారత్‌ను మెరుగుపరచడానికి ఇంకా చాలా అవకాశాలు ఉన్నాయి. ఈ క్రమంలో ఆర్థిక మంత్రి నిర్మలా సీతారామన్ ఈ బడ్జెట్‌లో దీనిపై మరిన్ని ప్రకటనలు చేసే అవకాశం ఉంది.
చికిత్సకే ఖర్చు
నీతి ఆయోగ్ అక్టోబర్ 2021లో ‘భారతదేశం మిడిల్ కోసం ఆరోగ్య బీమా’ అనే నివేదికను విడుదల చేసింది. ఆ క్రమంలో దేశంలోని దాదాపు 30 శాతం లేదా 42 కోట్ల జనాభాకు ఎలాంటి ఆరోగ్య బీమా(health insurance) లేదని స్పష్టం చేసింది. దీంతో అనేక మంది ఏదైనా జబ్బు బారిన పడితే వారి సంపాదనలో ఎక్కువ భాగం చికిత్సకే ఖర్చు అవుతుంది. దీంతో దేశంలో ప్రతి ఏటా లక్షలాది కుటుంబాలు వైద్యం కోసం భారీ ఖర్చుతో పేదలుగా మారుతున్నాయని ప్రభుత్వానికి అర్థమైంది. ఈ నేపథ్యంలో ప్రభుత్వం ఆయుష్మాన్ భారత్ యోజనపై మరింత దృష్టి సారిస్తుంది.
మరింత ఉపశమనం
ఆరోగ్యానికి(health) సంబంధించి చికిత్స ఖర్చు రోజురోజుకూ ఖరీదైపోతోంది. అటువంటి పరిస్థితిలో ఆయుష్మాన్ భారత్ కింద లభించే రూ. 5 లక్షల వార్షిక బీమా కవరేజీ చాలా తక్కువగా కనిపిస్తోంది. దీనిని పెంచినట్లయితే ఈ పథకం లబ్ధిదారులకు మరింత ఉపశమనం కలిగించవచ్చు. ఆయుష్మాన్ భారత్ కింద బీమా కవరేజీని రూ.10 లక్షలకు పెంచడాన్ని ప్రభుత్వం పరిగణిస్తున్నట్లు గతంలోనే సూచించింది. ఇలాంటి పరిస్థితుల్లో బడ్జెట్‌లో ప్రకటించే అవకాశం ఉంది.
పెంచడం వల్ల ప్రయోజనాలు
ఆయుష్మాన్ భారత్ ప్రధాన మంత్రి జన్ ఆరోగ్య యోజన (AB-PJAY) కింద లబ్ధిదారుల సంఖ్యను రెట్టింపు చేయాలని ప్రభుత్వం కోరుకుంటోంది. బీమా మొత్తం రెండింతలు పెరిగితే ప్రభుత్వ లక్ష్యాన్ని చేరుకోవడం చాలా సులభం అవుతుంది. దీంతో ప్రభుత్వ ఖజానా నుంచి ఏడాదికి రూ.12,076 కోట్ల అదనపు వ్యయం అవుతుంది. ఆయుష్మాన్ యోజన పరిధిని పెంచడం ద్వారా లక్షలాది కుటుంబాలు అప్పుల ఊబిలో చిక్కుకోకుండా కాపాడవచ్చని నిపుణులు భావిస్తున్నారు.
వృద్ధులకు ప్రత్యేకం
పార్లమెంటు సంయుక్త సమావేశంలో రాష్ట్రపతి ద్రౌపది ముర్ము(draupadi murmu) ప్రసంగించిన తర్వాత 70 ఏళ్లు పైబడిన వృద్ధులందరికీ ఆయుష్మాన్ భారత్ పథకం కింద ప్రభుత్వం వర్తింపజేయడం ఖాయం. దీంతో లబ్ధిదారుల సంఖ్య దాదాపు నాలుగు నుంచి ఐదు కోట్ల వరకు పెరిగే అవకాశం ఉంది. దేశంలోని దాదాపు అన్ని కుటుంబాలలో, వృద్ధులు తరచుగా చికిత్స పొందుతున్నారు. ఇలాంటి పరిస్థితుల్లో వారికి బీమా సౌకర్యం కల్పించడం వల్ల లక్షలాది కుటుంబాలకు ఉపశమనం లభిస్తుంది.
ఇవి కూడా చదవండి:
Economic Survey: ఆర్థిక సర్వే ప్రత్యేకత ఏంటి.. బడ్జెట్‌కు ఒకరోజు ముందే ఎందుకు సమర్పిస్తారు?
Budget 2024: బడ్జెట్ 2024 నేపథ్యంలో పెరగనున్న స్టాక్స్ ఇవే..!
గూగుల్‌ క్లౌడ్‌తో ఎల్‌4జీ జట్టు
Read More Business News and Latest Telugu News
Updated Date – Jul 21 , 2024 | 11:01 AM
