యష్మీ రాక్స్.. సోనియా షాక్స్
ఆ తర్వాత చివరిగా ప్రేరణ మిగిలిపోయింది. దీంతో ప్రేరణకి కూడా మణికంఠకి చెప్పిన అదే సోది చెప్పాడు బిగ్‌బాస్. కానీ దీనికి ప్రేరణ ఒప్పుకోలేదు. అదేంటి బిగ్‌బాస్ అందరికీ తమ క్లాన్‌ను సెలక్ట్ చేసుకునే ఛాన్స్ ఇచ్చారు.. కానీ మమ్మల్ని లాస్ట్‌లో పిలుస్తారా.. నాకు ఛాయిస్ లేకుండా చేశారు.. అంటూ ప్రేరణ అంది. ఇక సీత.. మణికంఠకి చెప్పినట్లే స్వాప్ చేయడం కుదరదంటూ ప్రేరణకి కూడా చెప్పింది. అయితే ఇక్కడ తన ఫ్రెండ్ ప్రేరణ కోసం యష్మీ త్యాగం చేసింది. వద్దు తను ఏడవడం నేను చూడలేను.. నేను నిఖిల్ టీమ్‌లోకి స్వాప్ అవుతాను.. ప్రేరణను తీసుకో అంటూ సీతకి చెప్పింది యష్మీ. దీంతో ప్రేరణ.. సీత టీమ్‌లోకి రాగా.. యష్మీ.. నిఖిల్ చీఫ్ అయిన శక్తి టీమ్‌లోకి వెళ్లింది. ఈ ట్విస్ట్‌ను ఊహించని సోనియాకి కాసేపు మైండ్ బ్లాంక్ అయిపోయింది.
ఇలా నిఖిల్ శక్తి క్లాన్‌లో సోనియా, పృథ్వీ, మణికంఠ, యష్మీ వచ్చారు. అటు సీత టీమ్‌లో విష్ణుప్రియ, నైనిక, ఆదిత్య, నబీల్, ప్రేరణ ఉన్నారు. కాంతార టీమ్ పెద్దదైనా కారణంగా డ్రాగన్ ఫ్లై రూమ్‌ను వారికే ఇచ్చేశాడు బిగ్‌బాస్. ఇక ఈ సెలక్షన్ అయిపోయిన తర్వాత సీత తన టీమ్‌తో మాట్లాడుతూ నిఖిల్, సోనియాలపై గట్టిగానే కౌంటర్లు వేసింది. “నాకు మైండ్ బ్లాంక్ అయిపోయింది.. ఒక్కరంటే ఒక్కరు కూడా ఆ క్లాన్‌కి వెళ్లలేదు.. ఇప్పుడైనా వాళ్లకి అర్థం కావాలి.. ఫ్రెండ్ షిప్, బాండ్ గురించి వాళ్లారా మాట్లాడేది.. మరి రెడ్ ఎగ్ సోనియాకి ఎందుకిచ్చాడురా..” అంటూ సీత కౌంటర్ల మీద కౌంటర్లు వేసింది.
ఆ ముగ్గురినీ విడగొట్టమంటూ
మరోవైపు సోనియా సోది మొదలెట్టేసింది. “అస్తమానం సోనియానే వీళ్లిద్దరూ కన్సిడర్ చేస్తారని వాళ్లకి కోపం నా మీద.. కానీ అదే టైమ్‌లో మీరిద్దరూ అంటే ఇష్టం కదరా వాళ్లకి.. మరి నేను ఏం పాపం చేసినా.. మీ ఇష్టానికి నేను ఎందుకు బలి కావాలి..” అంటూ నిఖిల్-పృథ్వీలతో చెప్పుకొచ్చింది సోనియా.
ఇంకోవైపు ప్రేరణతో మాట్లాడుతూ “ఈ అవకాశంతో నీకు విష్ణుప్రియకి, నీకూ సీతకి ఇలా అందరితో ఉన్న క్లాషెస్ సాల్వ్ చేసుకో..” అంటూ యష్మీ సలహా ఇచ్చింది. అయితే యష్మీ నువ్వు అక్కడ వాయిస్ ఔట్ చేయాలి.. వాళ్లు చేసే తప్పుల్ని చెప్పాలంటూ నబీల్ సహా మిగిలినవాళ్లు అన్నారు. ఇక ఆదిత్య అయితే సోనియాకి యష్మీకి మంచి బాండ్ అవుతుంది.. అంటూ జోక్ చేశాడు. అది మాత్రం అవదు.. అఖండలో ఉన్నప్పుడే అవ్వలేదు.. అంటూ యష్మీ కౌంటర్ ఇచ్చింది. ఆ ట్రయో (నిఖిల్-పృథ్వీ-సోనియా) బాండ్‌ను యష్మీ విడగొడుతుందేమో చూడాలి.. అంటూ ప్రేరణ జోక్ చేసింది.
అదే సోది.. ఏందో సోనియా
ఇక అర్ధరాత్రి దాటగానే ప్రతిరోజూలానే నిఖిల్-సోనియా-పృథ్వీ సోఫాలో కూర్చొని ముచ్చట్లు స్టార్ట్ చేశారు. “మన ముగ్గురిదీ ఏమున్నా మన ముగ్గురిలోనే ఉండాలి.. ఈసారి నేను అదే చేస్తా.. మన దాంట్లో ఇద్దరు ఎవరొచ్చారో వాళ్లు ఖచ్చితంగా పాయింట్స్ రెయిజ్ చేస్తారు..” అంటూ నిఖిల్ అన్నాడు. దీనికి “వాళ్లిద్దరూ స్పై (గూఢచారి)లానే బిహేవ్ చేస్తారు..” అంటూ సోనియా తందానా అంది. ఇక నిఖిల్ మాట్లాడుతూ “ముఖ్యంగా మణికంఠ.. అలానే యష్మీ కూడా ఇక్కడికి వచ్చింది ఎందుకంటే ఇక్కడ ఎవరు ఏంటో ప్రూ చేయాలనే వచ్చింది.. నెగెటివ్ ఏంటి పాజిటివ్ ఏంటని.. కానీ ఈరోజు టీమ్ సెలక్షన్‌తో నాకు ఓ క్లారిటీ వచ్చింది.. మన త్రీ Vs హౌస్ అన్నట్లుగా మొత్తం మారిపోయింది” అంటూ నిఖిల్ అన్నాడు. నీకు లేటుగా అర్థమైందా అంటూ పృథ్వీ అంటే “అది కాదురా నిన్ను ఇష్టపడేవాళ్లు నన్ను ఇష్టపడేవాళ్లు కూడా అపోజిట్ అయ్యారు.. ఎవరి దగ్గర నాకు లిమిట్‌గా ఉండాలనే క్లారిటీ వచ్చింది..నా క్లాన్‌కి వచ్చేసరికి మీ ఇద్దరికీ ఎక్కువ ప్రైయారిటీ ఇస్తానని వాళ్లు అనుకుంటున్నారు. అయినా సోనియాను హేట్ చేసే యష్మీ.. నిన్ను (పృథ్వీ) ద్వేషించే మణికంఠ ఇద్దరూ నా టీమ్‌లోకే వచ్చారు చూడు” అంటూ నిఖిల్ అన్నాడు.
